45. Anonimo. Ges al meu grat non sui joglar

45. Anonimo.

Dal canz. P.

Ges al meu grat non sui joglar

anz per esforz de mala gens,

qe m'an tolgutz joi e argens;

perqem conve tal mester far.

donc sil qi ben sa la vertatz

assaz miels mi dovria far,

e del onrar e del donar,

qe sil cui non sui acontat,

e Dieu l'auria mais a grat.

Perzo no voill desconortar;

car gran ren ai de compagnos 

a cui es faiz de gran honors, 

q'ancor li cuida meritar,

segon q'ieu cuit, e chascunz sapza, 

anz qe lo segle se desfacza. 

doncs qi blasma autrui malamenz, 

de si deu esser conoisenz

de zo q'om li pod reprozar.

Va, cobla, al juge de Galur: 

mand qe jur e non perjur, 

qe d'al ren nel sai enpazar, 

per qe fa ben qem vol donar.

XXXV, Doas coblas farai en aqest son (Hoc; Gui de Cavaillon)

XXXV.

 

Doas coblas farai en aqest son

Qu' eu trametrai a 'N Bertran d' Avignon,

E sapza be que dinz Castelnou son, 

E li Franceis nos estan d' eviron;

E membra m be de cela cui hom son,

Que soven det en broc e 'n esperon;

E crit m' enseigna, e desplec mon leon,

Per qu' eu o man a Bertram d' Avignon,

Hoc, a 'N Bertram.

 

A 'N Bertram Folc man com hom esserat

Per so qu' el aia de venir volontat,

Qu' el jorn estam nos e 'l caval armat;

E puois al vespre, can tost avem sopat,

Nos fan la gaita entr' el mur e 'l fossat;

Et ab Franceis non an ges entregat,

Enans i son maint colps pres e donat;

Et aizo a mais de tres mes passat,

E 'l i a pois tot soau sojornat,

Pois se parti de nos ses comiat

Bertram Folcon.

 

Gui de Cavaillon.

XXXV, Doas coblas farai en aqest son

XXXV.

Doas coblas farai en aqest son

Qu' eu trametrai a 'N Bertran d' Avignon,

E sapza be que dinz Castelnou son, 

E li Franceis nos estan d' eviron;

E membra m be de cela cui hom son,

Que soven det en broc e 'n esperon;

E crit m' enseigna, e desplec mon leon,

Per qu' eu o man a Bertram d' Avignon,

Hoc, a 'N Bertram.

A 'N Bertram Folc man com hom esserat

Per so qu' el aia de venir volontat,

Qu' el jorn estam nos e 'l caval armat;

E puois al vespre, can tost avem sopat,

Nos fan la gaita entr' el mur e 'l fossat;

Et ab Franceis non an ges entregat,

Enans i son maint colps pres e donat;

Et aizo a mais de tres mes passat,

E 'l i a pois tot soau sojornat,

Pois se parti de nos ses comiat

Bertram Folcon.

Gui de Cavaillon.