Reverendissimo in Christo patri et
illustri domino duci magnifice comunitatis Janue.
Reverendissime in Christo pater ac Illustris domine amice noster
carissime. Grata sunt que de pace inter exelsum commune Janue
et nos spectatus orator noster Jacobus Pellicer nobis retulit sed et
gratissimum cum et R. D. V. literis et oratoris relatu perspeximus E.
R. D. V. eo erga nos animo esse et fore ut non pacem tantum sed
amiciciam ac fedus perpetuo in eundum mutuo speremus quam obrem D. V.
R. vehementer rogamus uti eadem persistente fide dumque consuluerimus
Regiam Magestatem Castelle mutuus inter nos salvus conductus
vestri cura inviolatus existat preterea Phylippum de Nigro
virum honoratum januensem quem E. D. V. literis ac ipsius oratoris
nostri precibus preferri officio consulatus Cathalanorum
in Janua intelleximus intuitu contemplacioneque R. D. V. consulem
efectum et insuper et suis suorumque exhigentibus meritis pacis
conservatorem in Janua D. V. institutum aspiciet eumque ac omnes
nostrorum res E. D. V. favorabiliter tractare velit id idem nobis
erit per jocundum dominationique V. E. ad complecenciam ascribemus
singularem parati ad en que honori D. V. R. cedant. Datum Barchinone
XXV die octobris anno MCCCCLXIII. - Deputati Generalis et cetera.
Domini deputati et cetera.
